Da Noadwesttei vo Florida wead afgrund vo da Foam ois Florida Panhandle (Pfannagriff) gnennd. Geografisch is da Florida Panhandle a uma 370 km langa und zwischn 60 und 140 km broada Stroaf zwischn Alabama und Georgia im Noadn undm Goif vo Mexiko im Sidn und ghead ned zua eingdlichn Hoibinsl Florida. Aa kuituarej entsprichd de Region eha'n klassischn Sidstootn.
Politisch bstähd da Florida Panhandle aus de Countys:
Je noch Auslegung vom Gebiet wean: Madison und Taylor County zum Florida Panhandle glengdli dozuagrechnd. Se stejn de beidn estlichsdn Countys doa, de in da Obbuidung roud eihgfeabd san.
Bedeidnde Städt vom Panhandle san: Pensacola, Panama City und Tallahassee. De Strondorte ziang weahnd da Fruajoarsferien zoihreiche Collegestudentn o. Aussadem bfindn se duad de Luftwoffnstizpunkte: Eglin Air Force Base und Tyndall Air Force Base. In Ost-West-Richtung valaffd Interstate 10 duachs Gebiet.
Da 1936 ausgwiesne Nationalforst Apalachicola National Forest bfindd se emfois in diesm Gebiet.
De Zeidzonagrenz zwischn da estlichn (UTC−5) und zentroin (UTC−6) Zeidzone vo de Vaoanigtn Stootn valaffd entlong vom Apalachicola River und domid direkd duachs Florida Panhandle.